کارون

www.karon01.persianblog.ir

 
قصاید
نویسنده : بی نام - ساعت ٤:۳٤ ‎ب.ظ روز ۱۳۸٩/۸/٢۸
 

عاشگ... والعشگ مو عیب وادری العاشگ ایلومونه احبابه ....

لجن میهمنی حچی الناس مهما اتلوم بیه النار لهابه

عاشگ... وادری بالعشاگ واحدهم تفوح اخضیره اطیابه

عاشگ ... و ابمرار او ظیم نص عمری انگضه وسدیت انه اکتابه

عاشگ ... شبه مطر الصیف ذاک الما یبلل مایه واسحابه

عاشگ... وابچی لیل انهار موش آنه هذاک اللی نسه احبابه

عاشگ ... والگلب یاناس اشو چم عام ما بینو اغیابه

عاشگ ... وارتجی النیسان فلاح و زرعت الصبر واسبابه

عاشگ ... والدهر یا ناس نبتن بیه انیابه

عاشگ ... وانخه بالاشراف کل یوم واودی اشیوخ خطابه

انا المجنون !! مو ذاک الصدگ مجنون اثاری الناس چذابه !!

لچن موش آنه احب لیله  احب الوطن و اترابه

احب الوطن واترابه ...

احبن هالوطن یا ناس کل یوم وتجیه عدوان نهابه

احبن سنبل الگیعان ... والفلاح لو یتنگب انگابه

احب السلف لو باللیل طریته وغدت تتنابح اچلابه  !!

احب سوگ الخفاجیه...  و احب البیه یتمشه احب شارع الدبابه

احب حینه وجمیع اهلهه ... و المحمره واحب الشط لون ایزود خنیابه

احب دیرتنه عبادان والاهواز ... احب امضیف اهلنه الما نغلگ بابه

احب کارون والکرخه ... واحب السابله امن اتفیض احب شطچ یچذابه

احب هورچ یالحویزه ... واحب کل شبر من گاعچ یحبابه

و احب الهوفل امن ایفیض والبیگار... وارجاله الوچابه

احب امیه الکرخه ... لون زادت تفیض وتملی الجوابه

احب دیرتنه البسیتین ... لو جیته شباب او کشخ بثیابه

احب قریه البردیه... والرفیع لون بالمکصر ایگعدون شیابه

احب نخل الفلاحیه...  ابشهر تموز لو تتلامع ارطابه

احب کل نخل دیرتنه  نخلنه الشامخ ارگابه

احب امضیف اهلنه الما یمل الضیف و الخطار سحابه

احب دله هلی الصفره  لون ترگص وسط چانون و بنیران لهابه

احب فنجان گهوتنه  یرن بید الگهوچی ایدور بحبابه

احب صید السمچ بالهور والصیاد لو عامل الگلابه

احب سیف اهلی البتار یوم الکون لو یطلع امن اگرابه(برگرفته شده از سایت الله یا دیره هلی)